Հայ-իտալական «Սարտեքս» ընկերությունը հիմնադրվել է 2019 թ․-ի հունիսին։ Այն զբաղվում է իտալական MaxMara, Moncler, Peuterey, Dolce&Gabbana, Dainese և այլ հանրահայտ բրենդների հագուստի արտադրությամբ։ «Արտադրված է Հայաստանում» տարբերանշանով հագուստը արտահանվում է Իտալիա, որտեղից էլ ամբողջ աշխարհ։

Ներկայումս ընկերությունն ունի 14 արտադրական հոսքագիծ, սակայն առաջիկա երկու տարիների ընթացքում պլանավորվում է արտադրական ծավալներն հասցնել մինչև 40 հոսքագծի՝ դառնալով այս ոլորտ առաջատարը տարածաշրջանում։

Ընկերությունը կարևորում է արտադրական նորագույն տեխնոլոգիաների կիրառումը Հայաստանում, որը կհանգեցնի ավելի լավ ու արժանապատիվ տեքստիլ արդյունաբերության։ Մեր նպատակն ու գործելաոճն է դարձնել «Արտադրված է Հայաստանում» տարբերանշանը որակի երաշխիք ողջ աշխարհում։